Jerej: Kondak 8. Strannoje čudo javľajetsja pritekajuščym k tebi, blaženne Nikolaje, svjaščennaja tvoja cerkov: v nej bo i maloje molenije prinosjašče, velijich neduhov prijemlem iscilenije, ašče tokmo po Bozi upovanije na ťa vozložim, virno vopijušče. Aliluja.

Lik: Aliluja, aliluja, aliluja.

Jerej: Ikos 8. Ves jesi vsim voistinnu pomoščnik, Bohonose Nikolaje, i sobral jesi vkupi vsja pribihajuščyja k tebi, jako svoboditeľ, pitateľ, i vrač skoryj vsim zemnym, na pochvalu vsich podvizaja, vopiti k tebi sice:

Lik: Radujsja, vsjakich iscilenij istočniče.
Radujsja, ľuti stražduščym pomoščniče.
Radujsja, zare sijajuščaja v nošči hrichovnij bluďaščym.
Radujsja, roso nebotočnaja v znoj trudov suščym.

Radujsja, podavajaj trebujuščym blahostrojenije.
Radujsja, uhotovľajaj nosjaščym izobilije.
Radujsja, mnohaždy prošenije predvarjajaj.
Radujsja, starym sidinam silu obnovľajaj.

Radujsja, mnohich zabluždenij ot puti istinnaho obličiteľu.
Radujsja, tajn Božijich virnyj služiteľu.
Radujsja, jako toboju zavisť popirajem.
Radujsja, jako toboju blahonravnoje žitije ispravľajem.
Radujsja Nikolaje, velikij čudotvorče.

Jerej: Kondak 9. Vsjakija utoli bolizni, velikij naš zastupniče Nikolaje, rastvorjaja blahodatnaja vračevanija, uslaždajuščaja dušy naša, serdca že veseľaščaja, vsich userdno k pomošči tvojej pritekajuščich, Bohu že vopijuščich. Aliluja.

Lik: Aliluja, aliluja, aliluja.

Jerej: Ikos 9. Vitija sujemudrennyja nečestivych vidim toboju posramlennyja, Bohomudre otče ikolaje. Arija bo chuľnika razdiľajušča Božestvo i Savellija, smišajušča svjatuju Trojcu, prepril, nas že vo pravoslaviji /pravoviriji/ ukripil jesi, seho radi vopijem ti sice: