Jerej: Kondak 11. Pinije presvjatij Trojci pače inych prinesl jesi, preblaženne Nikolaje, umom, slovom i dilom, mnohi bo ispytanijem pravovirnaja povelinija ujasnil jesi, viroju, nadeždoju i ľuboviju nastavľaja nas, v Trojci jedinomu Bohu vospivati. Aliluja.

Lik: Aliluja, aliluja, aliluja.

Jerej: Ikos 11. Svitozarnuju luču vo mraci žitija suščym neuhasimuju, vidim ťa, Bohom izbranne otče Nikolaje, s neveščestvennymi bo Anheľskimi svity, besiduješi o nesozdannom Trojčeskom sviti, virnyja že dušy prosviščaješi, vopijuščyja ti takovaja:

Lik: Radujsja, ozarenije trisolnečnaho svita.
Radujsja, dennice nezachodimaho solnca.
Radujsja, svišče Božestvennym plamenem vozžennaja.
Radujsja, jako uhasil jesi bisovskij plameň nečestija.

Radujsja, svitloje pravovorija propovidanije.
Radujsja, dobrozračnoje svita jevanheľskaho sijanije.
Radujsja, molnije jeresi požihajuščaja.
Radujsja, hrome ustrašajuščij soblazňajuščyja.

Radujsja, istinnaho naučiteľu razuma.
Raadujsja, tainstvennaho izjaviteľu uma.
Radujsja, jako toboju poprasja poklonenije tvari.
Tradujsja, jako toboju naučichomsja poklaňatisja Tvorcu v Trojci.
Radujsja Nikolaje, velikij čudotvorče.

Jerej: Kondak 12. Blahodať dannuju ti ot Boha sviduščiji, radujuščesja tvoju pamjať prazdnujem po dolhu, preslavnyj otče Nikolaje, i k čudnomu zastupleniju tvojemu vsedušno pritekajem, preslavnych že tvojich dijanij, jako peska morskaho i množestva zvizdnaho isčesti ne mohušče, nedouminijem objati byvše, vopijem k Bohu: Aliluja.

Lik: Aliluja, aliluja, aliluja.

Jerej: Ikos 12. Pojušče tvoja čudesa, voschvaľajem ťa, vsechvaľne Nikolaje, v tebi bo Boh v Trojci proslavľajemyj divno proslavisja, no ašče i po premnohu sostavlennyja ot duši psalmy i pisni prinosim ti, čudotvorče svjatyj, ničtože tvorim ravno darovaniju čudes tvojich, imže udivľajuščesja vopijem k tebi takovaja:

Lik: Radujsja, carja carstvujuščich i Hospoda hospodstvujuščich služiteľu.
Radujsja, služitelej jeho nebesnych sožiteľu.
Radujsja, carem virnym pomoženije.
Radujsja, roda christijanskaho vozvyšenije.

Radujsja, pobidy tezoimenityj.
Radujsja, vincenosče naročityj.
Radujsja, vsich dobroditelej zercalo.
Radujsja, vsich pritekajuščich k tebi kripkoje zabralo.

Radujsja, po Bozi i Bohorodici, vse naše upovanije.
Radujsja, tiles našich zdravije i duš spasenije.
Radujsja, jako toboju ot vičnyja smerti svoboždajemsja.
Radujsja, jako toboju bezkonečnyja žizni spodobľajemsja.
Radujsja Nikolaje, velikij čudotvorče.

Jerej: Kondak 13. O presvjatyj i prečudnyj otče Nikolaje, utiščnije vsich skorbľaščich, nynišneje naše prijmi prinošenije, i ot hejeny izbavitisja nam, Hospoda umoli bohoprijatnym tvojim chodatajstvom, da s toboju vospivajem: Aliluja.
/Kondak triždy – 3x/