Lik: Aliluja, aliluja, aliluja.

Taže pojem: Ikos 1., i Kondak 1.

Molitva svjatomu Nikolaju.

O vsechvaľnyj i vsečestnyj archijereju, velikij čudotvorče, svjatiteľu Chrťistov, otče Nikolaje, čeloviče Božij, i virnyj rabe, mužu želanij, sosude izbrannyj, kripkij stolpe cerkovnyj, svitiľniče presvitlyj, zvizdo osijavajuščaja i osviščajuščaja vsju vselennuju, ty jesi praevdnik, jako finiks procvitšij, nasaždennyj vo dvorich Hospoda svojeho, živyj vo Mirich, mirom blahouchal jesi, i miro prisnotekuščeje blahodati Božija istočajaj. Tvojim šestvijem, presvjatyj otče more osvjatisja, jehda mnohočudesnyja tvoja mošči šestvovachu bo hrad barskij, ot vostoka do zapada chvaliti imja Hospodne. O preizjaščnyj i predivnyj čudotvorče, skoryj pomoščniče, teplyj zastupniče, pastyrju predobryj, spasajuščij slovesnoje stado ot vsjakich bid, tebe proslavľajem i tebe veličajem, jako nadeždu vsich christijan, istočnika čudes, zaščititeľa virnych, premudraho učiteľa, alčuščich kormiteľa, plačuščich veselije, nahich odijanije, boľaščich vrača, po morju plavajuščich upraviteľa, plinnikov svoboditeľa, vdov i sirot pitateľa i zastupnika, cilomudrija chraniteľa, madencev krotkaho nakazateľa, staryhc ukriplenije, postnikov nastavnika, truždajuščichsja upokojenije, niščich i ubohich izobiľnoje bohatstvo.

Uslyši nas moľaščichsja tebi, i pribihajuščich pod krov tvoj, javi predstateľstvo tvoje o nas k vyšnemu, i i ischodatajstvuj tvojimi blahoprijatnyi molitvai vsja poleznaja ko spaseniju duš i tiles našich, sochrani svjatuju obiteľ siju (ili chram sej), vsjakij hrad i ves, i vsjakuju stranu christijanskuju, i ľudi živuščyja, ot vsjakaho ozloblenija pomoščiju tvojeju, vimy bo, vimy, jako mnoho možet molitva pravednaho, pospišestvujuščaja vo blahoje, tebe že pravednaho po preblahoslovennij Ďivi Mariji, predstateľa ko vsemilostivomu Bohu imamy, i k tvojemu, preblahyj otče, teplomu chodatajstvu i zastupleniju smirenno pritekajem, ty nas sobľudi jako dobryj i dobryj pastyr, ot vsjakich vrahov, hubiteľstva, trusa, hrada, hlada, potopa, ohňa, meča, našestvija inoplemennikov, i vo vsjakich bidach i skorbech našich podavaj nam ruku pomošči, i otverzi dveri miloserdija Božija, poneže nedostojni jesmy zriti vysotu nebesnuju, ot množestva nepravd našich, svjazani jesmy uzami hrichovnymi, i nikoliže voli Sozdateľa našeho sotvorichom, ni sochranichom povelinij jeho. Timže prikloňajem kolina sokrušenna i smirenna serdca našeho k Zižditeľu svojemu, i tvojeho otečeskaho zastuplenija k nemu prosim, pomozi nam, uhodniče Božij, da ne pohibnem so bezzakoniji našimi, izbavi nas ot vsjakaho zla, i tot vsjakija vešči soprotivnyja, upravi um naš, i ukripi serdce naše v pravoj viri, v nejže tvojim predstateľstvom i chodatajstvom ni ranami, ni preščenijem, ni morom, ni kojim hnivom ot sozdateľa svojeho umajeleni budem, no mirnoje zde poživem žitije, i da spodobimsja viditi blahaja na zemli živych, slavjašče Otca, i Syna, i svjataho Ducha, jedinaho v Trojci slavimaho i poklaňajemaho Boha, nyni i prisno, i vo viky vikov. Amiň.

Molitva vtoraja: O vsesvjatyj Nikolaje, uhodniče preizrjadnyj Hospodeň, teplyj naš zastupniče, i vezdi vo skorbech skoryj pomoščniče, pomozi mni hrišnomu i unylomu, v nastojaščem žitije, umoli Hospoda Boha, darovati i ostavlenije vsich mojich hrichov, jeliko sohrišich ot junosti mojeja, vo vsem žituji mojem, dilom, slovom, pomyšlenijem i vsimi mojimi čuvstvy, i vo ischodi duši mojeja pomozi mi okajannomu, umoli Hospoda Boha vseja tvari soditeľa, izbaviti mja vozdušnych mytarstv i vičnaho mučenija, da vsehda proslavľaju Otca i Syna, i svjataho Ducha, i tvoje milostivnoje predstateľstvo, nyni i prisno, i vo viki vikov, amiň.
Molitva tretija: O vseblahij otče Nikolaje, pastyru i učiteľu vsich viroju pritekajuščich k tvojemu zastupleniju, i teploju molitvoju tebe prizyvajuščich, skoro potščisja, i izbavi Christovo stado ot volkov hubjaščich je, i vsjaku stranu christijanskuju ohradi i sochrani svjatymi tvojimi molitvai, ot mirskaho mjateža, trusa, našestvija inopleminnikov i meždousobnyja brani, ot hlada, potopa, ohňa meča ia naprasnyja smerti. I jakože pomiloval jesi trijech mužej k temnici siďaščich, i izbavil jesi ich careva hniva i posičenija mečnaho, tako pomiluj i mene, umom, slovom i dilom, vo tmi hrichov sušča, i izbavi mja hniva Božija i vičnyja kazni. Jako da tvojim chodatajstvom i pomoščiju, svojim že miloserdijem i blahodatiju, Christos Boh, tichoje i bezhrišnoje žitije dast mi požiti vo vici sem, i izbavit mja šujijaho stojanija, sopdobit že desnaho so vsimi svjatymi, amiň.

Taže: Dostojno jesť: trisvjatoje. Po Otče naš.
Tropar, 4. hl.: Pravilo viry i obraz krotosti, vozderžanija učiteľa, javi ťa stadu tvojemu, jaže veščej istina; seho radi sťažal jesi smirenijem vysokaja, niščetoju bohataja: otče svjaščennonačaľniče Nikolaje, moli Christa Boha spastisja dušam našim.
Srednij otpust. Blahoslovi: Čestnijšuju Cheruvim: i pročeje.