Lik: Radujsja, ščite zaščiščajaj blahočestije.
Radujsja, meču posikajaj zločestije.
Radujsja, učiteľu Božestvennych velinij.
Radujsja, hubiteľu bohoprotivnych učenij.

Radujsja, listvice Bohom utverždennaja, jejuže voschodim k nebesi.
Radujsja, pokrove Bohom zdannyj, imže pokryvajutsja mnozi.
Radujsja, nemudrych umudrivyj tvojimi slovesy.
Radujsja, linivych podvihnuvyj tvojimi nravy.

Radujsja, svitloste zapovidej Božijich neuhasimaja.
Radujsja, luče opravdanij Hospodnich presvitlaja.
Radujsja, jako učenijem tvojim sokrušajutsja jeretičeskija hlavy.
Radujsja, jako toboju virniji spodobľajutsja slavy.
Radujsja Nikolaje, velikij čudotvorče.

Jerej: Kondak 10. Spasti choťa dušu tvoju, duchovi pokoril jesi voistinnu, otče naš Nikolaje, molčaňmi bo prežde i boreňmi s pomysly, dijanija bohomyslije priložil jesi, bohomyslijem že razum soveršen sťažal jesi, imže derznovenno s bohom i anhely besidoval jesi, vsehda vopija. Aliluja.

Jerej: Ikos 10. Stina jesi pochvaľajuščym, preblaženne, čudečsa tvoja, i vsim k zastupleniju tvojemu pribihajuščym, timže i nas v dobroditeli ubohich, ot iščety, napasti, neduhov i nužd različnych svoboždaj, vopijuščich ti s ľuboviju takovaja:

Lik: Radujsja, ot ubožestva vičnaho izimajaj.
Radujsja, bohatstvo netlinnoje podavajaj.
Radujsja, brašno nehibľujuščeje alčuščym pravdy.
Radujsja, pitije neisčerpajemoje žažduščym žizni.

Radujsja, ot mjateža i brani sobľudajaj.
Radujsja, ot uz i plinenija svoboždajaj.
Radujsja, preslavnyj vo bidach zastupniče.
Radujsja, prevelikij v napastech zaščitniče.

Radujsja, mnohich ot pohibeli ischitivyj.
Radujsja, bezčislennych nevreždenno sochranivyj.
Radujsja, jako toboju ľutyja smerti hrišnicy izbihajut.
Radujsja, jako toboju žizň vičnuju kajuščijisja polučaut.
Radujsja Nikolaje, velikij čudotvorče.